قدمت الممثلة المصرية رانيا محمود ياسين اعتذارها للجمهور، وذلك بسبب المشادة التي حصلت بينها وبين احد ضيوفها في برنامجها "صباح العاصمة".
وكتبت رانيا عبر حسابها الخاص على موقع التواصل الإجتماعي :
"أنا آسفة جدا للناس عن طرح هذا الموضوع والفقرة من أساسها، أولا عايزة أوضح بخصوص حلقة الملحد النهاردة، أولا دي رؤية رئيس تحرير البرنامج، ولازم تُحترم بصرف النظر عن رأيي الخاص في استضافة ملحدين، ثانيا الظاهرة في تزايد وكان يجب طرحها حتى لا تزيد".
وأضافت: "أما بالنسبة لانفعالي فمش فجأة لا الجزء المعروض من الحلقة مجتزأ منه الجزء الأول من الفقرة، وبعدين حضرته بدأ يستفزني من قبل بداية الفقرة، علشان قلتلوا إني شفته قبل كده في حلقة أخرى، وإنه كان سلفي وأتعصب جدا، وقالي أنا مش جاي أتكلم في موضوع شخصي قلتلوا لا أنا سمعتك في برنامج تاني قلت كده، وبدأ يحتد علي، وأنا علشان هو ضيفي مردتش عليه وأكبّر الموضوع لأنه أتكلم معايا أنا وشريف بطريقة غير لائقة، وهدد إنه هيمشي، بصراحة كان خايف من المواجهة وحسيت إنه بيعمل حيل دفاعية لنفسه قبل الحلقة".
وتابعت: "بعدين بعد ما بدأنا المناظرة مكنش عايز الضيف الباحث الإسلامي يرد، وكل ما يتكلم يسكته، وكمان كان رافض أن تدخل مداخلات تقاطعه، يعني من الآخر كلنا نمشّي الحلقة على كيفه، بالتالي أنا كنت احتراما للمهنية لازم أدي فرص متساوية للضيفين، أما ديني فأنا غيورة عليه وده مزعلش حد، لأن ده مش موضوع سياسي يجب أن تتحكم المهنية في حواري وأكون حيادية، دي ثوابت واحد بيلعب بأفكاره المسمومة على الناس، ورفض الرأي الآخر إنه يعبر عن نفسه".
